أسمع صدى حره   تناديني يا فلان … زيح الغشاوه من عيونك    وافهم الصوره
كل المصايب جتنا    بتاسع نيسان … والله يستر من اللي جاي    وشروره
كانت بلادي  جنة لكل أنسأن … واليوم أمست من ربوعي   مهجوره
هذا شهيد   ودمه أغرق الميدان … وهذا أسير  وما أدري متى دوره
وهذي رملى  وبعدها بسن الريعان … وهذا جريح  وهذا يده مبتوره
وهذي يتيمه   ودايم تسأل الجدران … وينه أبوي   وليه خلاني مكسوره
وهذا الصغير   ينشدني عن الجيران … يمه أشتقت لعبودي   وعصفوره
ومن البكا راحت عيوني    مع الأجفان … والهم أحتل قلبي   وحوطه بسوره
جاوبتها  واجعل حروفي  لها بستان … واجمع لها النوير والريحان وزهوره
أما دموعج فاقت   عندي الميزان … أو كنهن حبات لولو منثوره
أما الشهيد  فحي  بداخل الوجدان … والدم أزكى من الأزهار   وعطوره
أما الأسير   فلابد يكسر القضبان … ويبرا الجريح  وكل كسوره مجبوره
أما الرملى   محروسه من الشيطان … الله يجلي حزنها   برحمته ونوره
أما اليتيمه   أخفضي لجلها الجنحان … وقولي ابوها بالفردوس   وقصوره
أما الصغير   فعلميه لعب الفرسان … لن الوصايا تبقى بذهنه   محفوره
أما بلادك   تبقى درة البلدان … والدار باهل الجود والنخوه  معموره
شوفي فعايل أهلنا  وربعنا الشجعان … ما همهم جيش امريكا  وطابوره
حلفوا والله الذي أنزل القرآن … لابد ترجع لنا بغداد  منصوره
وشوفي جنود امريكا   كنهم فيران … صاروا عشا للدود وللغربان وطيوره
ونرفع علمنا على الساري   وعلى الاغصان … الله أكبر مع نجومه مسطوره
وأبقى أردد كلمه  بصوتي المليان … ويمكنها تجرح السامع  وشعوره
من المحيط  وحتى ساحلك ياعمان … كلكم فدا للعراق وفدوه لنهوره

طنه شمر 16/5/2007